Teknolojia kwa Nyumba Janja | Miongozo ya Bidhaa na Karatasi za Data

Inakuja hivi karibuni…

Kizazi Kipya cha Swichi za Kijanja Zenye Muonekano Unaopendwa na Mtumiaji

Haijalishi unatafuta vifaa hivi vya kiteknolojia kiasi gani, baadhi tu ndivyo chaguo sahihi. Mfululizo wa paneli za TIS Titan & Titania ni mfano moja wapo wa bidhaa za kijanja ambazo zinakupa muonekano mzuri na utendaji kazi fanisi.

Swichi hizi zina sehemu ya kugusa (touch interfaces) zenye vipimo vya joto, hali ya hewa na matumizi ya umeme kwa ajili ya usimamizi wa mwanga, hali joto, mwanga unaoingia ndani, mandhari, ulinzi na muziki. Sasa zinapatikana sokoni Mfululizo huu wa kijanja unakuja katika ukubwa wa boksi la ukutani (junction box) wa aina mbili: Paneli za Titania kwa ajili ya Marekani na paneli za Titan kwa Uingereza.

Mfululizo wa TIS Titan & Titania unabeba swichi zifuatazo:

TITANIA & Titania TFT, hii ni paneli ya kugusa ya ukubwa wa inchi 3 yenye picha za LED unazoweza kuzibadilisha unavyotaka kwa ajili ya kusimamia taa zako, hali ya hewa ya ndani, mandhari, mapazia na zaidi..

TITANIA & Titan 4G ni paneli ya 4-gang ya kugusa yenye uwezo wa kusimamia taa, mandhari, mapazia na zaidi. Unaweza pia kuongeza maandishi yako na picha binafsi. Kumbuka, unaweza kufurahia paneli hizi mpya za ukutani kama wewe ni mkazi wa Italia pia. Kama zikifungwa kwa kulala (horizontally), swichi za Titania 4G zinatosha katika boksi la umeme la kawaida linalotumika Italia.

TITANIA & Titan 3G imebeba paneli ya kugusa ya 3-gang kwa ajili ya kusimamia taa, mandhari, mapazia na zaidi. Mwisho, tunakuletea paneli ya Nesi au Kuita Mhudumu Hotelini (Nurse or Hotel Call Panel). Hii imetengezwa maalumu kwa ajili ya uangalizi; Paneli yetu ya Nesi inarahisisha zaidi mahusiano kati ya mgonjwa na nesi katika vituo vya afya. Mgonjwa anatumia kifaa hiki kuita nesi wake anapokuwa akihitaji msaada. Upande mwingine, kama unamiliki hoteli, tumia paneli yenye MUR/DND kwa ajili ya kuboresha hoteli yako. Swichi hizi mbili zinakaa kwa mlalo (horizontally) katika ukuta na zinang’aa vizuri pembeni ya vifaa vingine ndani ya chumba.

Mkusanyiko huu ni rafiki na rahisi kutumia. Unaweza kutumia vidole katika kioo chake au kama ukitaka ukatumia simu yako ya mkononi kuwezesha mandhari mazuri kwa ajili ya kufanya Yoga jioni, vyote vinaweza kufanyika ndani ya sekunde tu. Maandishi na picha zote ndani yake zinaweza kubadilishwa kuwa vile unavyotaka. Inashangaza si ndiyo?

Paneli hizi zinakuja katika rangi kadhaa na kufunikwa na aina tofauti ya mifuniko itakayoendana na muonekano wa nyumba yako. Tunajali sana juu ya kile unachopendelea na tunakupa mifunoko ya plastiki, chuma, kioo na mingine mingi kwa vile utakavyopendelea.

Mfululizo wa Titan & Titania hauna kikomo kwa sababu tunataka uishi maisha ya kisasa kijanja na bila kuwa na kikomo. Ili kuona namna inavyokuwa ukiishi ndani ya nyumba inayojiendesha, unachotakiwa kufanya ni kufunga Titan au Titania tu.

Kama umeshawahi kutamani kuwa na mikono zaidi ya miwili, basi kifaa hiki ni kwa ajili yako.

The Luna TFT panel, kifaa kingine kutoka kwa watengenezaji wa TIS Smart Home, kina sifa kadhaa zinazoifanya kuwa ni suluhisho la kipekee, na bora. Kuna mionekano tofauti ya kuchagua kwa kifaa hiki, ambacho kinauwezo wa kuondoa uhitaji wa swichi zote za taa, thermostats za ukutani, vyombo vya sauti, na kuongeza na kupunguza sauti, swichi za mapazia, vifaa vya ulinzi, na sifa zingine nyingi na kukupatia zote katika panel moja nzuri.

Panel hii inapatikana katika rangi nyeusi au nyeupe; lakini hata hivyo, skrini yake ya LED inaweza kubadilishwa kadri upendavyo ili kuendana na muonekano wa ndani kwako.

Tuchunguze sifa zake sasa ili uweze kujionea uwezo wake mwenyewe.

Luna TFT panel ina kurasa 3, kila moja inakuwa na amri 6 (swichi 18 kwa ujumla), kwa ajili ya kuendesha taa zako bila kikomo. Agana na swichi zako za kizamani za taa na uendane na dunia ya sasa ya kiteknolojia inayokimbia kwa kati huku ukiokoa umeme zaidi ya siku za nyuma.

Zaidi ya hayo, Luna TFT panel ina uwezo wa kusimamia taa za RGB na kutoa rangi 256. Unaweza kuchagua rangi unayopendelea, ukaiweka kuendana na fanisi ulizonazo ndani, ukafungua au kufunga mapazia katika chumba ili kutengeneza mazingira unayoyapendelea wewe.

Moja ya sifa za kipekee za kifaa hiki ni kwamba lugha na picha zinaweza kubadilishwa. Piga picha za taa zako, milango, madirisha au vifaa vya umeme, kisha pakia picha hizo, na ujisikie huru kuchagua jina kwa ajili yake, baada ya hapo nyumba yako itakuwa ni Rafiki yako. Hautasahau kamwe kufunga dirisha au mlango, kwa sababu kifaa cha Luna kitakukumbusha mara zote.

Mipangilio ya Luna ya kupooza na kuleta joto na katika venti inaweza kubadilishwa kulinganisha na thermostat ya kidigitali, ambayo inamaanisha kwamba inaweza kugundua joto moja kwa moja la nje na la ndani na kisha kuwekewa programu ili kuwasha/kuzima kifaa. Hebu fikiria unarudi nyumbani katika siku yenye joto kali. Unaweza kuwasha kiyoyozi ili kupooza nyumba yako kabla ya kufika kwa kutumia saa iliyo ndani ya Luna. Weka muda na utakuwa na uhakika wa kuikuta nyumba yako ikiwa katika hali ya joto safi.

Kileosura(interface) murua cha Luna kinaweza kuendesha sauti kwa kupitia matundu ya AUX, USB, redio na ya kadi ya SD. Ni jambo gani linalopendeza zaidi ya kumuona mtoto wako akiwa amelala huku akisikiliza muziki wa taratibu wenye sauti nzuri?

Pia, unaweza kuweka ufafanuzi wa hali 12 zenye hisia tofauti za joto, sauti na mwanga. Kama unataka kufanya sherehe ya jioni, au kama unataka kuwa na chakula cha jioni na mchumba wako, unaweza tu kuweka mpangilio unaopendeza kwa kutumia vidole vyako tu.

Mipangilio ya ulinzi kwa kupiga kengele katika kifaa hiki pia ni imara. Mipangilio hii inahusisha kama ifuatayo: Vacation (Unapokuwa haupo nyumbani kwa muda mrefu), Away (unapokuwa haupo nyumbani kwa masaa machache), Night (Inakutaarifu kama kuna mtu yoyote anaeingia nyumbani kwako katika muda fulani), na kitufe cha Panic Button kama ikitokea kuna dharura. Jambo lingine katika usalama ni Duress password, ambapo itawasiliana na mtu wa chaguo lako ambae amewekwa kama ukibonyeza hizo namba.

Nyongeza, inakuwa inafanya kazi kama kalenda ya kisasa pia, kwa sababu inaonyesha saa na tarehe katika kila ukurasa . Itakukumbusha kumpongeza dada yako katika siku yake ya kuzaliwa kwa sababu Luna TFT panel ipo hapa kwa ajili ya kukukumbusha tarehe zako muhimu.

Sifa nyingine ya muhimu katika kifaa hiki ni mita ya umeme, ambayo inakuonyesha matumizi yako ya umeme kiujumla ya sasa na bili ya umeme.

Unaweza kutumia weather station ili kujua hali ya hewa, ikiwemo joto la nje, kiwango cha unyevu, UV index, kasi ya upepo na uelekeo wake na pia taarifa ya mvua. Vihisio (sensors) za kiafya katika panel zitakwambia kuhusu kiwango cha carbon dioxide na gesi chembechembe zingine ndani kwako ambazo ni muhimu kujua kiafya.

Kuibadilisha Luna TFT kukidhi mahitaji yako ni rahisi sana. Pale utakapotaka kubadilisha kitu, bonyeza kitufe hicho na uchague kile kinachokupendeza zaidi wewe.

Kama unavyoona, kifaa hiki cha kisasa kimetengenezwa kufanya maisha yako yawe mazuri zaidi. Ukiwa na Luna TFT panel unaweza kufanya kazi nyingi kwa wakati mmoja na kufanya ndoto zako kuwa kweli.

Ni Kitandani au Kituo cha Amri?

Kampuni ya TIS Smart Home imetengeneza kifaa cha kufanya chumba chako cha kulala kuwa kama vile kituo cha kutuma amri. Kinachohitajika kutoka kwako tu ni kifaa chetu cha Luna Bedside Panel, na unaweza kusimamia chumba chako chote ukiwa umefurahia kitandani kwako. Kifaa hiki kinaweza kubadilisha hali ya joto, taa, na mifumo mingine, na kuweza kutengeneza mazingira ya kuvutia ndani ya chumba chako cha kulalia.

Ukiwa na Luna Bedside panel, ni rahisi sana kusimamia joto pamoja na spidi ya feni katika chumba chako. Je, umechoka kuamka mara kwa mara pale joto linapozidi? Achana na “Kuamka kwenda kuwasha/kuzima feni” kila mara, na ubadilishe vifaa vyako vya joto kufikia joto unalopendelea kwa kugusa na kidole tu. Ni haki yako kulala kwa amani.

Ina thermostat iliyotengenezwa vizuri, Luna Bedside Panel inakupa ufanisi katika kusimamia vifaa vyako vya kupoozea. Pia, kifaa cha kuleta joto sakafuni (floor heating) inaweza kuwa ni jambo zuri kufikiria kuweka pia kwa siku zile za mvua zenye baridi.

Kifaa hichi kinaweza kusimamia taa, haijalishi kama unataka kuzima taa zote kwenye chumba au unataka kuzima taa moja tu ya kusomea pembeni ya kitanda chako, unaweza kuzima taa yoyote ile kutoka kwenye Luna Bedside Panel.

Unaweza kuweka mipangilio Nane ukiwa na Luna Bedside Panel. Hebu fikiria muda wako wa kulala. Ni nini kitapendeza zaidi ya upepo mzuri wa kutoka kwenye kiyoyozi, mwanga mdogo huku wimbo mzuri ukicheza taratibu? Au, kama wewe ni mmoja wa wale watu ambao wanahitaji kusukumwa kidogo inapofika asubuhi ili kuweza kuanza siku yao, basi Luna Bedside Panel inaweza kuwa msaada wako bora. Madirisha yatafunguliwa, jagi la kahawa litawashwa, na sauti ya nyimbo yako uipendayo itasikika na kukusaidia kuamka na kuanza siku yako kwa furaha.

Luna Bedside Panel pia ni suluhisho la kisasa kwa vyumba vya kulala hotelini, kwa sababu inatoa wigo mpana wa kubadilisha mwanga wa taa inayoweza kumsaidia mteja kuweka kila anachokipenda na kumfanya ajisikie kukaribishwa na kufurahia muda wake katika hoteli yako.

Luna Bedside Panel ina muonekano mzuri mweusi wa kisasa pamoja na vitufe 12 kwenye skrini ya kugusa itakayoendana na muonekano wa chumba chochote cha kulalia. Kila kitufe kinavutia na kina picha ndogo rahisi kimuonekano na kutumia. Pia, vitufe vinaweza kubadilishwa rangi yake na kuchagua yoyote kati ya rangi 265 unazoweza kuchagua. Fanya jambo lolote unalotaka kufanya kwenye Luna Bedside Panel; kila kitufe kinaweza kufanya jozi mbili za sheria pale kitakapobonyezwa mara mbili.

Pale utakapotumia msaidizi wako Luna Bedside Panel ndipo utakapojua kwamba hakika inakupa zaidi ya thamani yake. Jionee mwenyewe.

Je, Unatafuta kitu cha kubadilisha muonekano wa ndani ya nyumba yako?

The Luna 9Gni bidhaa yenye muonekano mzuri sana kutoka watengenezaji wa TIS Smart Home, imetengenezwa kuleta muonekano bora wa ndani ikiwa na umbo la kuvutia na ina uwezo wa kufanya kazi nyingi. Sifa kuu ya kifaa hiki ni kwa sababu ya coupler yake —kifaa cha kipekee cha umeme kutoka TIS—hakuna haja ya kuita fundi umeme kukufungia waya za ziada kwenda kwenye swichi zako zilizo mbali kutoka kwenye boksi la umeme; Luna 9G ina uwezo wa kuwasha na kuzima mfumo wa taa zako kutoka katika chumba chako.

Unaweza kubadilisha swichi za taa zako zote chumbani na kuwa panel moja tu na kuokoa muda na umeme kwa kufurahia teknolojia hii inayotumika kwa wingi zaidi. Ikiwa na muonekano bora wa kifahari, Luna 9G inapatikana katika rangi nyeupe au nyeusi ikiwa na vitufe 9 vizuri katika kioo cha kugusa. Skrini ya LED inaweza kubadilishwa rangi yoyote kati ya rangi 265 zilizopo ili kupata rangi yako ya kipenkee uipendayo kiurahisi kabisa, inawashwa na taa za nyuma za RGB ifikapo usiku. Pia, kila kitufe cha Luna 9G kinaweza kufanya kazi tofauti kama kikibonyezwa mara mbili, hivyo kuna mengi sana yanayoweza kufanywa na panel hii ya kisasa.

Na zaidi, Luna 9G ina uwezo wa kufanya mambo 9. Unachotakiwa kufanya ni kuiwekea programu kwenye kiyoyozi, taa, mapazia, na mfumo wa sauti katika kifaa hiki na utengeneze mazingira unayoyapendelea zaidi kwa ajili ya kuleta hisia yoyote. Kwa mfano, kama unahitaji kutumia wikiendi yako kutazama filamu na Watoto wako, wekea mpangilio katika mfumo wa muziki ucheze filamu ya Madagascar, weka taa za sebuleni tayari, na uwashangaze watoto wako na mazingira mazuri kwa ajili ya filamu za nyumbani.

Unaweza kuifunga scrini kwa urahisi kwa kutelezesha tu kidole chako. Kuifungua kunafanyika kwa namna moja hiyohiyo, na unaweza kuweka muda wa kujifunga kama itahitajika. Uwezo huu unafanya kifaa hiki kiwe kinafaa kabisa kwa matumizi ya kibiashara na matumizi ya kiwandani pia; kwa mfano, inafanya kazi vyema katika vibaraza vya kwenye mahoteli, migahawa na hospitali pia.

Na mwisho, kutokana na uwezo wa Luna 9G wa infrared, inawezekana kutuma amri hizo kutoka kwenye rimoti. Jambo hili linaongeza thamani kwa wale ambao wangependa kuendesha nyumba zao kwa kutumia vitufe na sio kioo. Jambo zuri ni kwamba kwa matumizi haya mengi, Luna 9G itakuwa inapendwa na kila mtu.

Sasa ni muda wa kuruhusu kifaa kimoja kidogo kilete mabadiliko makubwa maishani kwako.

Umaridadi Unapokutana na Teknolojia.

Watu wengi wanatafuta vifaa vya umeme vya kisasa ili kuweza kuangalia nyumba zao vizuri zaidi; hata hivyo, wanakuwa na wakati mgumu kupata kifaa suluhisho ambacho kimetengenezwa kwa ubora na pia kina muonekano mzuri unaoendana na fasheni. Hivyo basi, TIS inakuletea Mars Series ili kukuonyesha namna teknolojia inavyoweza kuwa maridadi.

Mlolongo wetu wa Mars Series Panels una bidhaa za aina 3: Mars 10Gang+ AC, Mars 8Gang, and Mars 4Gang. Panel hizi zenye mkunjo zinaweza kuwekewa programu na kutengeneza mazingira tofauti, kuendesha motors, hali ya hewa na taa na inaweza kufungwa kwenye boksi la umeme (junction box) lolote. Mlolongo huu umetengenezwa katika rangi 7 ili kuweza kukaa vyema katika muonekano wowote wa ndani.

Mars 10Gang+ AC, ni panel yenye vitufe 10 ikiwa na skrini nzuri ya OLED, ukubwa wa inchi 1 na vitufe vya kuvutia. Kifaa hiki kinakuja na thermostat ndani yake; kinaweza kusoma joto la chumba ili uweze kuendesha mfumo wako wa kupooza au kuongeza joto kwa ufasaha zaidi.

Sifa nyingine muhimu katika kifaa hiki ni kioo cha OLED kina uwezo wa kuonyesha ujumbe mfupi uliowekwa kabla. Kwa mfano, kama una kazi nyingi sana na ukasahau kufunga mlango wa kwenye veranda kwa muda, Mars 10Gang+ AC itakujulisha kwa kutumia ujumbe mfupi kwenye kioo chake cha OLED. Pia, kama kuna sehemu maji yanavuja ndani ya nyumba, kifaa hiki kitakuwa ni cha kwanza kujua, na utajulishwa mara moja.

Panel za 8Gang and 4Gang Panels ni vileosura(interfaces) rahisi kutoka katika mlolongo wa Mars Series; zote zimetengenzwa na uwezo wa kupokea IR hivyo zinaweza kuendeshwa kwa kutumia rimoti. Sifa hii ni muhimu sana kwa watu wazee kwa sababu wanaweza kufurahia muunganiko wa teknolojia mpya na ya zamani.

Wazee wetu wanastaili kufurahia muda wao wa kustaafu bila kuwa na mawazo. The Mars 8Gang or 4Gang + rimoti inaweza kuwa ni zawadi ya kipekee kwa wazee wako. Ni rahisi sana kutumia, na utakuwa umerahisisha sana maisha yao.

Kuona tabasamu katika uso wa wazee wako hakika ni stahiki.

Zimetengenezwa Kufaa Muonekano Wako

Kampuni ya TIS Smart Home inakuletea Terre. Kutoka kwenye neno la Kilatini linalomaanisha Dunia, tunayo furaha kukuletea mlolongo wa panel zinazofanya kazi kukurahisishia kila kona ya nyumba yako. Kutokana na jina lake na maana yake, mlolongo huu unapatikana katika ukiwa na muundo wa juu wa kioo, plastiki, mbao, ngozi, jiwe na chuma na unavutia kuangaliwa kutokana na mikunjo na kona zake za kuvutia.

Mlolongo huu wa vifaa vyenye muonekano wa kuvutia unahusisha vifaa 4:

Terre 4Gang Touch Panel: Kileosura(interface) rahisi tu chenye vitufe 4 vya kugusa kwa ajili ya kusimamia taa, mapazia na mazingira. : A simple 4-touch button interface to control lights, curtains, and moods.

Terre AC Control Panel: Kileosura (interface) rahisi tu chenye vitufe 4 kwa ajili ya kubadilisha joto, kasi ya feni, joto katika sakafu au vifaa vingine vya kuleta joto au kupoozea. Taarifa na kumbukumbu zinaonyeshwa katika sktini ya OLED ya inchi 1.

Terre Music Control Panel: Kifaa cha kuchezea muziki cha kugusa na kidole kinachoweza kutumika na TIS Audio Player na kukuonyesha miziki, kumbukumbu na taarifa katika skrini ya inchi 1 ya OLED.

Terre Hotel Panel: Kileosura (interface) rahisi kinachopendwa na wengi na pia kinachoingiliana na soketi za Terre pamoja na swichi zake. Panel hii inaweza kuunganishwa na 4 gang yoyote ili kukaa vyema na muonekano wa chumba cha hoteli yako. Pia wageni wako wanaweza kuomba huduma tofauti, kama vile kufua nguo, baa n.k. kwa kugusa tu picha inayohusika.

Panel hizi za ukutani zinakaa katika boksi za umeme za saizi zote za viwango vya Ulaya/Uingereza na pia zinaweza kuunganishwa kwa pamoja na Panel ya kiyoyozi, au Panel ya muziki kwa kutumia soketi ya USB. Jambo la muhimu ni kwamba hata pale unapozifunga kama panel moja, vifaa hivi ni rafiki na rahisi kutumia, kwa sababu kila kipande kina kazi zake zinazojitegemea.

Chagua tu panel ambayo inakufaa wewe zaidi na kukidhi mahitaji yako. Muda wa kutumia teknolojia nzuri na ya kukunufaisha kwa kutumia mlolongo wa Terre series kutoka TIS.

Hatua ya Mwisho kuelekea katika Ulimwengu wa Kujiendesha

Baadhi ya swichi za ukutani za TIS, kama vile Luna, Mars na baadhi ya bidhaa katika mlolongo wa Terre (Terre series) zinahitaji kifaa cha ziada nyuma ya swichi kuwekewa mipangilio ili kuingiliana na mtandao wa AIR/BUS na kisha kuanza kufanya kazi. Panel iliyoongezwa ni module ndogo iliyotengenezwa ili kutosha nyuma ya swichi na kuziwezesha kuwasha taa, FCU, mapazia, motor, na zaidi.

Bidhaa hii janja nay a kisasa inapatikana katika models nne:

ADD-3R-3A: Module hii ina relay channels tat una inatumika kuendesha taa 3 au feni 1xFCU yenye spidi ya Low/Med/High pamoja na kupooza/Kuongeza Joto/ Feni. Inaweza pia ikawekwa kwa namna ikaweza pia kuendesha mapazia pamoja na taa, hivyo ni wewe tu kuwa mbunifu na kutengeneza namna unavyotaka wewe.

ADD-3DL-12V: Module hii inatumika katika kuangalia pamoja na kusimamia kifaa chochote cha tatu kinachofanya kazi kwa kutumia umeme wa 12VDC, kama vile PIR au kihisio cha moshi. Kwa mfano, kama ukitaka kufunga kihisio kama hiki ndani ya jiko lako, sio lazima uwe na waya nyingi kutoka jikoni kwako mpaka kwenye boksi la kusimamia (control box); kifaa hiki kina uwezo wa kutoa umeme huo unaohitajika. Relay pamoja na swichi za kizamani pia zinaweza kuendeshwa na kifaa hiki.

ADD-2DL-IRR: Module hii inakaribia kufanana na module iliyopita lakini imewekewa na kitu kimoja cha ziada: kifaa cha nje cha kupokea infrared. Nyongeza hii katika panel inasaidia katika kuendesha swichi ambazo zinakuwa mbali na wewe au ziko mbali na upeo wa macho yako. Kama utatumia ADD-2DL-IRR, hauna haja ya kuweka chochote kwani panel ya swichi zote inakuwa katika sehemu moja. Kwa mfano, unaweza kutumia rimoti ya TIS ili kuzima taa zilizopo sebuleni wakati ukiwa umekaa katika chumba cha kupumzikia

ADD-2DL-IRE: Module hii inauwezo wa kubeba maeneo(zones) mawili na vifaa vya IR. Mara nyingi inatumika kwa ajili ya kusimamia kiyoyozi cha mgawanyiko (split AC). Inaweza kujifunza mpaka aina 64 za amri za IR (64 IR codes), na kama ikifungwa pamoja na emitter probe ikawekwa juu ya sehemu ya kupokea IR kwenye kifaa, inaweza kukiendesha kwa ufanisi mkubwa.

Sifa ya kipekee kabisa ya panel hizi nyongeza ni kwamba zinapunguza uhitaji wa nyaya kwa kiwango kikubwa sana. Pia ni nzuri kiuchumi kwa sababu ni vifaa vichache sana vinavyohitajika kufungwa. Lakini pia, vinahitaji nguvu ndogo sana ya binadamu. Panel hizi nyongeza zinakuhakikishia huduma ya usimamizi wa vifaa vyako kwa kiwango cha ubora na katika bajeti ya kiasi kidogo sana.

Na pia, zinaongeza mvuto na kupendeza ndani ya nyumba yako. Swichi za ukutani zinaweza kusambazwa katika sehemu tofauti za nyumba yako nzuri ili kusudi isitokee swichi moja ya ukutani ikajazwa na panel.

Ongeza module hii ndogo, na uiache ifanye mabadiliko makubwa katika maisha yako. Kwani ni mawazo madogo madogo ambayo huwa yanafanya mabadiliko makubwa sana duniani.

Swichi Mpya kama Dhahabu

Linapokuja suala la kujiendesha kwa nyumba, swichi zenye uwezo wa kufanya kazi mbalimbali zinatakiwa kuwa juu katika orodha ya vitu muhimu, kwa sababu sio tu zinakurahisishia kazi lakini pia zinafanya nyumba yako kuwa salama zaidi. TIS Automation Group imeanzisha toleo jipya la swichi za ukutani zenye uwezo wa kusimamia taa, joto, mandhari, n.k. Moja kati yake ni mfululizo wa swichi za kufungwa ukutani wa IO Series, ambazo zinafaa kufungwa majumbani na katika vyumba vya hotelini.

Mfululizo huu ambao una vitufe vya kubonyeza unakuwezesha kuendesha nyumba yako nzima kirahisi, bila kujalisha upo ofisini, likizo, au kitandani usiku. Tunapendekeza TIS IO series kwa sababu zina muundo mzuri na ni rahisi kutumia na zinaingiliana na taa aina yoyote. Paneli hii inakuwezesha kubadilisha chumba chako kuwa cha kijanja huku pia ikikupa uhuru wa kuwasha kwa njia ya zamani pia kama ukitaka.

Kwa ufupi, kama unatafuta nyumba ambayo mapazia yanajifunga pale mwanga wa jua unapokuwa mkali zaidi, taa zinajizima unapotoka chumbani, na Kiyoyozi kinasafisha hewa hali inapokuwa sio nzuri nje, unatakiwa kuchagua swichi za TIS IO.

Sasa tuangalie ni nini kinachokuja pamoja na kifurushi hiki janja:

IO Thermostat with 4 Gang: Hii ni thermostat ya ukutani yenye skrini ya OLED na kitufe cha kuzungusha kwa ajili ya kubadilisha joto la chuba, spidi ya feni, na kuongeza joto katika sakafu. Inakuwezesha kusimamia taa, mandhari, na vifunika madirisha kwa kupitia vitufe vya kubonyeza vinne.

IO 8G: Kifaa hiki kinaweza kufungwa kwa mlalo au wima katika hoteli au mradi wowote wa makazi kwa ajili ya kutoa usimamizi kamili juu ya taa, mandhari, hali ya hewa n.k.

IO Outdoor Hotel Panel: Unaweza kuongeza ubora katika vyumba vya hoteli yako kwa kutumia kifaa hiki suluhishi, kilicho na vitufe vya kuita usafi wa chumba au kutokusumbuliwa (WUR/DND) na kioo kinachoonyesha namba ya chumba. Kama ukiiwekea programu husika, wateja wanaweza kutumia RF readers na access control functions, pia.

IO Card switch: Kama unataka kuwafurahisha wageni wako, wawekee wafurahie paneli inayovutia na rafiki kutumia. Swichi hii ya hotelini iliyowezeshwa kutumia kadi za RF inakuja na vitufe vitatu kwa ajili ya Kutosumbuliwa, Kuita usafi wa chumba na kuita huduma za ufuaji (DND/MUR/Laudry services) na inahifadhi ya kumbukumbu kwa ajili ya kutunza kumbukumbu za mtu/chumba (user/room service logs). Hivyo, inaboresha usimamizi wa hoteli bila kumsumbua mteja. Kwa ubunifu wa TIS, kila mtu anapata anachokihitaji ndani ya muda mfupi.

Manufaa yanayopatikana katika vifaa vyote katika mfululizo wa IO series ni pamoja na kuongezeka kwa usalama na kuboreshwa kwa BMS. Pia bidhaa hizi zinakuokolea pesa, na sio hayo tu. Zimetengenezwa pia ili kukuwezesha kupata muonekano bora kabisa ndani kwako. Zina mikunjo ya kupendeza na kuvutia, mfululizo huu wa paneli za ukutani una muonekano wa kipekee. Unaweza kuchagua kadri unavyopendelea.

Tunafurahia kukusaidia kupata kile unachokitaka.

Wateja Ambao Huwa Hawaondoki

Uadilifu unahitaji kuwa mkweli katika kutoa huduma bora kwa wateja. Wafanye wateja wako wajisikie nyumbani pale wanapokuwa hotelini kwako. TIS inakuletea Luna Hotel Panels, iliyotengenezwa kwa muonekano unaoendana na fasheni na kukuletea ubora katika vyumba vya wageni katika hoteli yako.

Mlolongo huu wa panel (panel series), ukiwa na vileosura (interfaces) bora, una vifaa vikuu 3:

Hotel Outdoor Bell: Toleo la kwanza la panel hii lina kitufe cha kengele pamoja na viashiria(indicators) 3 vya huduma (Kufua, Kusafisha Chumba, na Mpangilio wa Usisumbue Muda huu) au (Laundry, Make Up Room, and Do Not Disturb (DND) mode) na kiashiria cha namba ya chumba. Kama nyongeza kwenye kitufe chake cha kengele na viashiria 3, toleo la pili la panel hii lina RF, ambayo inakuwa inakupa uwezo wa kuiendesha. Inafungua na kufunga milango kwa kutumia kadi za wageni na inakuondolea hofu ya kubadilisha betri kila mala milangoni kwako.

Una uwezo wa kuchagua vitu tofauti katika kifaa kimoja.

Wageni wanaweza kupiga kengele za chumbani kwa kugusa tu katika picha ya kengele kwenye panel yao. Lakini, kama mteja amepumzika na mpangilio wa “Do Not Distrub” upo umewashwa, ujumbe mfupi utaonyeshwa katika panel, na kengele itazuiwa, na usumbufu wowote utazuiwa. Je, unafikiri wageni wako watapendelea uwezo huu kwa kutumia vifaa vya kisasa?

Hotel Card/Services Panel: Swichi hii ya kadi katika panel ina sehemu ya kubebea kadi na vitufe vitatu vya Laundry, Make Up Room, na DND. Panel hii ni ya kipekee kwa sababu ya uwezo wake wa kufanya kazi na kadi ya Mifare; pale kadi inapowekwa katika kibebea kadi chake, umeme katika chumba unawezeshwa (kasoro katika friji, ambapo umeme unakuwepo muda wote). Pia, inaweza kuwekewa programu ili kuwa na taa nyingi kadri utakavyohitaji kuziwasha. Sifa hii inakusaidia kuokoa kiasi kikubwa cha umeme kwa sababu hakuna kifaa kilichosahaulika kuzimwa kitabaki kinawaka wakati mteja akishaondoka chumbani. Sababu ni kwamba, pale kadi itakapochukuliwa vifaa vilivyowekewa programu vitajizima moja kwa moja.

Hata hivyo, unaweza kuwekea programu kifaa hiki kufanya kazi na kiyoyozi kulingana na hali ya hewa ya eneo hilo. Kwa mfano, kama hoteli ipo maeneo ya joto, unaweza kuielekeza panel iwashe kiyoyozi na kukiweka katika hali fulani ya joto na kubadilisha tu mipangilio ya taa.

(Kwa ambae atahitaji kujua: Kadi za Mifare zinaweza kubadilishwa na kwa namna unayopendelea; kama wageni wako ni wapenzi ambao wanakaa kila mmoja peke yake, unaweza kuwapa kadi mbili. Hizi kadi zinaweza kutumika kila moja badala ya nyingine. Pia, kwa sababu zinaweza kubadilishwa kwa namna yoyote ile kulingana na kazi ya wafanyakazi wa hotelini, zinakuwa na ulinzi mkubwa. Kwa mfano, kama mfanyakazi wa kusafisha anafanya kazi katika siku fulani za wiki, kadi yake inaweza kuwekwa isifanye kazi katika siku zingine asizokuwepo n.k

Hii ina thamani kubwa sana kwa kila serikali ambayo ina ndoto ya kuwa na uchumi unaokuwa kwa kuwa na matumizi mazuri ya umeme. Kuwa sehemu ya ndoto hii!

Kengele zetu za hotelini za ukutani na Panel za Kadi za Hotelini zinafungwa ndani nan je ya kila chumba. Zaidi ya hayo, zinaweza kuunganishwa na menejimenti ya hoteli na kuonyesha maombi ya wageni kwenda kwenye hoteli, hivyo kufanya wageni kukaa kwa amani na kwa faragha na pia maisha ya waangalizi wa hoteli yanakuwa nirahisi zaidi.

Ukiwa na Luna Hotel Panel wageni wako wanaweza kufurahia kukaa kwao katika hoteli yako yenye teknolojia kubwa. Fanya hoteli yako ing’ae na kupendeza kama mwanga wa mwezi.